Dizze attribuutn veun ik vandage in de schuure bie het oole hoes. Dizze tonne wa’k nog neer eerder teangnèkömn. Kloarbliekelijk wil iemand de vogels bievoorn en heffe hiervuur speciaal un zak mais èkoch bie Booijink (ok wàl Slaghekke eneumd) in Riessen. Hee hef ter nog speciaal un blauwe tonne met emmer en voorscheppe vuur mettebrach. Hee is aleanig vergetn an mie te vroangn offe dit wàl moch. Volgens mie wille met dat bievoorn bereikn datte later zichzelf kan bievoorn met wat “vers gevangen en geschoten gevogelte”. Mear helaas vuur hum, de tonne met mais he’k achter slot en grendel èzet. Gen bievoorn mear. Loate mear noar Slotje in Riessen goan en doar un halve kippe koopn in plaats van bie mie de boele weg te vangn.
