Joa, joa, ie least het good. Dit is mien’n earsten blog van 2018. Zotoverdan (wat’n woord) kriekt der wier zin in. Dus vuuroet met’n sik (dit lik mie gen dialect sprekwoord too) en an het skriewn.
Het was vandage Paosken, en un oole traditie is da’j dan un Paosveur anstekt. De gemeente Wierden wil dit allemoal gearne reguleern en veend dat er mear vief poasveurn mangt an wönn èstökkn. Viewe! Mear neet, want dat is slecht vuur un CO2 oetstoot. Dit terwiel ze zelf un grootn hoolt pelletkachel hebt anneschaft um toch mear zo duurzaam bezig te wean met de energie….. Hoe zo CO2 oetstoot? Dat geeld alleanig vuur de burger, neet vuur het gemeentelijk apparaat.
Wie veend doar het oonze van, en doarumme he’w oonze eengste poasveur annestökn. Met un betje dieselöllie en un ooln baand um dat het zo lekker fikt. Niks gen muziek en teantn der bie. Gewoon un paosveur zoas het wean mut. En het bevöl good
