In het Hollands Schwarzwald bie Riessen köj dizze rails veendn. Vrogger leupt er un treintje dat leem vervoern dat hier wörn oppegreawn. Zie gebreukn un leem dat vuur de steen- en dakpannfabriekn in Riessen. Met al dat gegreaf kreej natuurlijk deepe koeln in de groond en dat verkloart dan ok un naam Hollands Scharzwald vuur dit bosrieke gebied.
In’n zommer löpt er nò wier un treintje (het leemspoor) vuur de toeristen. Het zol un topattractie munn wean, mear feitelijks is ter neet zo völle an. Ie goat met un troagen gaank duur het bos en ie zeet alleanig mear beume laankzaam vuurbie goan. Ie wordt zelfs nog innehaald duur toevallig passerende wandelaars. Neet ech oetdagend. Mear jà, aj kiest um in de vakaansie lekker oet te rössen zit ie hier wà good in’n trein…