1 juli 2021 – Hard vleengn

Dizze jonge zwaalve zit bie oons op un dakraand oet te rössen. Zie vleengt nò met  un rotgaank um het hoes hen, op zeuk noar mungn, oondertusken allerlei capriooln oethalend. Het liekt wà kleine straaljagers, zo hard goat ze. En ie munt ok nog oetkiekn dat ze neet teang oe an vleengt. Wus ie dat ze met un vaart van zo’n betje 32 km/uur vleengt? Ie könt het hier noaleazen. Mear dizze snelheid hebt ze ok wà neurig umdat ze straks den heeln gloepensen eane noar het zuudelijk gedeelte van Afrika munt vleengn umdat het hier te koold wordt. Doezenden kilometers vleengn um te oawerweentern, dat red’ie neet met 5 km/uur. Ik zee mie dat trouwens ok nog neet doon met 32 km/uur…

1 juli 2021

PS. Ik binne vandage precies op de helfte van mien joar bloggen. Het kost smangs meuite, mear ie kriengt er ok wat vuur terugge (mear wat?)…

Geef een reactie

Het e-mailadres wordt niet gepubliceerd. Vereiste velden zijn gemarkeerd met *