Un kleine neengentwintig joar geane bi’w met oons trouwn op huwelijksreize in Brugge èwes. Hoog tied um der wier un kear hen te goan, um te kiekn of ter ok wat is veraanderd. Dus vandage he’w Brugge herbezichtigd, ‘bringing back the old memories’ zoas ze in Engelaand zengt. Conclusie is dat er neet völle is veraanderd. Doar is weinig bie ebouwd in het centrum. De roondvaartbootn vaart nog steeds rondjes duur de grachen en ok brouweri’je De Halve Maen steet er nog. Den lessen is bekeand van ‘Straffe Hendrik’, un beersoort dat alleanig à duur zien’n naam tot miene persoonlijke favorietn beheurt. Meu mear voldoan bi’w dan ok in’n middag wier terugge goan noar oons vekaansiehuuske. Oawer neengentwintig joar goa’w wier opni’js kiekn…
