1 juni 2022 – Un begin maakn

Ik zalle mear wier un begin maakn met mien’n blog. Het hef un tiedje stilleleangn, wachtend op inspiratie, mear den kwam mear neet. Dus doarumme he’k vandage de haand mear an de plooge het toetsenbord èsloan en zee’j hieroonder wier un daagelijksen foto.
Vandage zee’j de skyline van Amersfoort. Amersfoort is neet alleanig un oold pleatske met met muurn en oole stadspoortn, mear doar is ok fleenk völle hoogbouw. Dit is in de buurte van het station (Amersfoort Centraal het dat rechtervoort) woer ik gistern en vandage un training Leading SAFe harre (via de link kö’j oetzeukn wat dit allemoal is). Tusken un middag met het stukn loopn kwam ik dit gebouw ok nog teang, het Eemhuis, het culturele centrum van Amersfoort. Un mooi gebouw woer allerlei culturele oetspattingen plaatsvindt. En wat ok biezeunder is, het lig nöast de Gall &Gall, zoda’j noa de culturele oetspatting aaltied nog iets könt koopn um oenen culturelen dörs te lessen, mog dat neet bie de oetspatting wean gebuurd…

2 antwoorden op “1 juni 2022 – Un begin maakn”

  1. Henk, ken ie het book “Oud Achterhoeks boerenleven?”
    Dat zol oew umsgeliek wat inspiratie kunn giewn.
    Per moand wurdt doarin beschreewn wat er op het plattelaand gebuurt.
    Ie mangt het gerus van mie leenn.
    Mer ja, der zint zovulle bronn.

    No, aju,
    Annie van Mölnkamp

Geef een reactie

Het e-mailadres wordt niet gepubliceerd. Vereiste velden zijn gemarkeerd met *