Op het station van Utrecht he’j un kästje stoan woe’j beuke oet könt haaln um te leazen. Un soort mini-bibliotheek, die’j rechtervoort wàl vaker an de stroate zeet stoan. Doar steet van alles in, van stripbeuke tot kleine gedichtenbundels, makkelijk um met te nemn um te leazen in ‘n trein a’j un lange reize vuur de boeg hebt. Vandage stön der zelf iets in wat vrooger bie oons op de booknplaanke in de kamer stön: ach deeln in van de grote Oosthoek encyclopedie. Ik zitte mie of te vroagn wie dizze nò zol metnemn in in’n trein um te leazen. Ie slept oe un brökke… At gewone beuke wordt beschouwd as leesvoer um de lange reis te verpozen, dan lig dizze dreuge kos wà biezeunder zwoar op de mage…
