Joa, joa, wie hadn vandage dag brulfte. Un neawe trouwn en wie warn vuur’n heeln dag oeteneungt. De brulfte was bie Carelshaven in Deeldn. Ooit un schippersherbaarg vuur de schippers die op Twickelervaart vaarn, mear nò un luux hotel-restaurant (voor al uw feesten en partijen).
Het kossen wat wochen boetn mear het feest kon begin’n toen het bruidspaar arriveern in un ooln Fiat 500. Den hadn ze ‘s morns nog munn anduuwn toe’te neet wol startn, dus het was un reize met enige risico’s èwes.
Het mooie is dat wieleu un kleine 31 joar gelene ok un Fiat 500 as trouwauto hadn. Wàl in un aandere kluur, mear toch het zelfde type. Ik zee mie nog zo zitn in dat kleine krappe autootje (de kneene vaste oonder het steur), jaangnd oawer de Borkeld, richting de Poppe in Maarkel woe’w ‘t feest hadn.
Ie begriept het, un dag kon toe àl neet mear stuk…
