Op oons zuundaangse waandelrondje in de buurte kwamn wie langs dit bouwwaark. Het is un zaandbult met un soort schoorsteenpiepe en un zwoare iezeren duure. Ik dache ears dat het un gevangeniskeelder was woer de zwoare crimineeln oet’n Waterhook kwamn te zittn at ze wörn oppepakt, mear a’j good kiekt zit der ok nog un soort breewnbusse boangn de duure. En crimineeln kriengt neet völle pos, dus het mos iets aans wean. Noa deepe noadeankn bi’k tot de conclusie kömn dat het un vleermoeskeelder is woer de vleermuze via de breewnbusse in en oet könt vleengn. Ik binne wàl beni’jd of ter ech vleermuze inzit. Of zol het un meender geslaagd experiment wean net zoas de befaamde vistrapn woe’w ok langsleupn?
