Dizzen plataan hef zich in het landschap verdekt opèsteeld duur zich helemoal in camouflagekluurn te hulln. A’j neet better wussen zo’j zengn dat dit duur dezelfde leu is emaakt as die verantwoordelijk bint vuur de camouflage van het leager. Alleanig is in dit geval moeder Natuur vuur der verantwoordelijk, en neet een’n of aandern generaal.
Het mooie van dizze camouflage is dat het in de loop van de seizoenen steeds veraandert: der vaalt un stuk broen’n bast vanof, doar koomp wier un ni’j stukn greun’n bast vuur in de plaatse en goat zo mear duur. Dat köj van de camouflage van het leager neet zengn, dat bleef aaltied hetzelfde. Misschien een idee?
