10 september 2017 – Neet alles steet in Google

Vandage he’k un woord dat geeltneet in Google vuurkoomp: Stoetnbreef. Ondaanks daj deankt’dat alles in Google steet, steet neet alles in Google.

Ik gebroeke het woord regelmoatig (woer is un stoetnbreef….) ondaanks dat de stoete rechtervoort in un plastic zak (buul of toetn) verpakt zit. Ik deanke dat het nog van vrogger koomp, toen de stoete nog verpakt wörn in un papiern zak ofwel in un stoetnbreef. Misskien dat oonze Gerrit Kraa, as noakommeling oet un bakkersgeslachte dit kan betamen?

Ps. Met ingaank van dizze publicatie koomp het natuurlijk wal in Google te stoan (heb ik wier…). Het wordt binn un paar dage duur de zeekbots van Google wál oppemaarkt en verwaarkt in de administratie van zeukweure.

10 september 2017

Eén antwoord op “10 september 2017 – Neet alles steet in Google”

  1. Dag, Henk. nen stoetnbreef was vroger nit in gebroek. Stoetn wörden open en bloot vervoerd, in de maande van ne transportfietse, in ne bestelwage, in de fietstaske. later köm d’r verpakking an te pas (joaren ’70) Wat wal in gebroek was: nen beschuutnbreef. Nen zak van vetvriej papier, vake met prachtige illustratie an de vuurkaante, Ik heb d’r heel wat in epakt. (Tien beschuutn van grötter formaat.} Disse informatie is heemoas gratis…

Geef een reactie

Het e-mailadres wordt niet gepubliceerd. Vereiste velden zijn gemarkeerd met *