Het was vandage wier un typischen zoaterdag. Drok met van alles! Doarumme veen ik dizzen foto ok zo mooi. Ie zeet er ok van alles op. Allereers Marvin, het oppasheunke van mie nichje. Marvin lig laankoet op de stroate te kiekn noar mie gedoo um het onkroed tusken de steender weg te haaln. He stek zelf gennen poot oet, dat luie mirakel. Da’k onkroed weghale kö’j zeen an’n emmer en’n onkroedstekker die näost Marvin op’n foto stoat. Achter hem zee’j vervolgens de zunnebloomn woer ik de leste tied à un paar keer oawer hebbe eschreewn. Die geewt er un fleurige kluur an. As leste zee’j op de achtergroond ok nog un ni’jsgierige roodboonte peenke kiekn wa’k allemoal doo. Kortom, van alles…
