11 april 2024 – Dagwoerbliewienoukoekoeksbloome

Dizze mooie bloome bleuit nò volop in mien’n pröttel proeftuin. Noazeukn op ‘t internet leawert op dat dit de dagkoekoeksbloome is, un lid van de anjerfemilie (woerumme mu’k hier nò an prins Bernard deankn?) den àl vanaf miln april bleuit. Het apatte is dat bie dizze bloome de kealkes en de vrouwkes netjes van mekaa bint èscheidn. Het is un tweehuzige plaante woerbie duur gesplitste wortelstökke, de ene groep van plaantn alleanig mear vrouwelijke bloomn hef (dikke bloomnknöppe) en de aandere groep alleanig mear manlijke bloomn (slaanke bloomnknöppe). De bökke bint netjes èscheidn van de sikke, miskien un bloome vuur zeer behoudende tuinleu?
En’n naam? Den koomp waarschijnlijk duurdat dizze bloome bleuit at un koekoek ok wier in’t laand is en begeent te roopn. Mear ik heb nog gennen koekoek eheurd, dus doarum neum ik mear de dagwoerbliewienoukoekoeksbloome. Het vuurvoegsel “dag” slöt op het feit datte alleanig oawerdag ziene knöppe lös hef, dit in teangsstelling tot zien femilielid den ‘s aongs de knöppe lös dut. Ma’j dree keer roadn hoe dat femelielid het….

Geef een reactie

Het e-mailadres wordt niet gepubliceerd. Vereiste velden zijn gemarkeerd met *