Doar geet’t hen! De vrouwe en ikke bint vandage met’n trein noar Amsterdam èwes um doar de Frans Hals tentoonstelling in het “Rijks” te bekiekn.
Allerears is de treinreize un ervaring op zichzelf. Ie zeet alle soortn leu met tattoo’s, kramn in’n neuze, dikke leu, dunne leu, boetnlaanders met grote koffers, leu met dikke jässe oonderwiel het boen 25 groadn is, en goat zo mear verdan. Van alles te zeen dus. In Amsterdam bi’w veerder met de tram noar het Museumplein egoan.
Frans kon un aardig pötje schilderen, dat köj an de foto’s wàl zeen. He heul ok wàl van un pötje beer of wien. dat ko’w ok zeen… Zol doar het gezegde “Een vrolijke Frans” vandan komn?
Un ingaank van het Rijksmuseum. Wie monn good oetkiekn da’w neet duur de fietsers oondersteboangn wordt ejag.Un zelfportret van Frans Hals. Het is un vreandelijken keal (vrolijke Frans?) want hee zweait oons àl tegemeute met ziene rechterhaand. In de aandere haand heffe un glas wien,. Dat zelfde soort wienglas ko’j ok koopn in het museum voor 30 !!) euro.De Luitspeler. “Are you ready for some rock and roll?”Malle Babbe hef ech bestoan en is duur Frans Hals eschilderd. Het schilderi’je steet ok bekeand as “de hekse van Haarlem”. De oele is ter later bie oppeschilderd duur Frans Hals en slöt meugelijk op het gezegde “Zo droonkn as ne oele”Hier zee’j de Lachende Cavelier. Dit schilderi’je koomp oet un privé collectie en mog eagenlijk neet wörn oetteleend. Mear oeteandeljik, bie hoge oetzondering, kon het toch!Het oole meanske zit er strak bie! Dit warn de regentessen van het oole kearls hoes in Haarlem. Ik weer neet of ik doar zo gearne wol woon’n…
