Met het loopn kom ik aaltied wà oonderwaarpn vuurr dizzen blog teangn. Zo ok vandage. Op dizze onverharde weg steet un groot verkeersbröd um oe te waarschouwn teang verkeersdreampels. Of neum ie dat verkeerszuln? Iets veerderop zee’j un minieme verheuging van een paar milimeter van het wegoppervlak (un oondersen foto). Dat bint dan de verkeersdreumpels woe’j vuur munt oetkiekn. Ik deanke, ok à vleege der met 150 km/u oawerhen, da’j ze nauwelijks vernemt. Woerumme steet dit bröd hier? Is de gemeente bange um anneklaangd te wörn duur iemand den ter met 200 oawer hen vlög en het dak van zien auto veult? Dan mutte mear neet zo hard jaangn. En at dit nò un heel drokke weg was, dan kon ik nog begriepn, mear dit is un zaandpad woer alleanig mear bestemmingsverkeer gebroek van maakt (un paar auto’s en wat trekkers). Ofwà, wat is het nut van dit alles? Woerumme? Ik heb ter gen good antwoord op. Mear dat he’k wà bie mear zaakn die duur het gemeentelijk apparaat wordt bedach en oet evoerd…
