Wie haddn nog genne dakgötte an de schure, dus met al den reangn van de leste tied leup t’er heel wat water in de schure. Met ingaank van vandage is dat nò offeleupn. Wie hebt er un dakgötte van 15 meter laank anzittn. Ik dache eerst dat ze den in de waarkplaatse fabriceern, maer het mooie is dat ze dizze götte ter plekke maakn, met behulp van un walsapparaat in het bestelbuske. Het is min of meer 3D printn in’n bouw. Mooi um te zeen!
