12 september 2020 – Bye bye buxus

Met dizzen foto nemt wie ofscheid van de buxus in de Nederlaandse tuinen. Dizze struuke is ontzettend populair èwes in de ofgeloopn decennia. Was het vrogger de Berberis? Vanof de zero’s (Glimlach) was de buxus hèt boegbeeld van de heage in’n Nederlaandsen tuin. In de bebouwde kom ha’j de buxus, boetn de bebouwde kom ha’j en he’j de beuknheage. Mear duur één zo’n klein rupsje den de buxus onmeunig lekker veend, mut nò heel tuinminnend Nederlaand ofscheid nemmn van de buxus.
Wie harn zelf gen buxus in’n tuin mear mie schoonzuster en schoonmoo wàl. Vandoar dizzen ofscheidsfoto. Het was wier knap emotioneel en doar välln wat treunkes toe’k ze an de greepe stakke…

12 september 2020

Geef een reactie

Je e-mailadres wordt niet gepubliceerd. Vereiste velden zijn gemarkeerd met *