Ok vandage ha’w un aardigen waandeltocht op het programma stoan. Dizze keer gungn wie noar de Lasnitzenhütte den op 1900 m heugte lea. In het begin gung het steil duur’n bos omhoge (dat was dus zweatn), mear de tweede helfte was redelijk vlak en good te doon. Wie warn ‘s morns à bietieds vertrökkn umdat er ‘s nömdaangns reangn en onweer wörn verwach. Um half twaalne zat ik in de hutte dan ok à achter het middagettn, de originele Tirorel Gröstl, iets met spek, eier en gebakn eapeln, aarg gezoond en natuurlijk ok un recept um zelf un keer te probeern…
Wat oons opväl warn de völle bloomn die’w oonderweg zaggen. Weele orchideeën, klokjesbloomn, gelle ridderspoor (zwoar giftig), zwartblauwe rapunzel, geraniums (ooievaarsbek), en goat zo mear vearder. Völle soortn die bie oons à hoaste bint oetestörven, mear die hier nog volop vuurkomt. Zol de gezoonde baargloch zovölle oetmaakn?
