Noa ne moand toch wier beginn met bloggen, neet umdat het möt mear umdat het kan! Vuurnaamste reden vuur mie is het vastelengn wa’k allemoal zee en doo, want vuurda’j weet, is het wier vuurbie en bi’j alles wier vergettn (dit in het lech van mien naoderenden verjeurdag…).
Vandage he’w un heel stukke leupn langs de bekke. Het was vanmiddag knap waarm (20 groadn), dus te waarm un bin’n bie’n heard te bliewn zittn. De vrouwe en ikke hebt het dus mear oppepakt en bint un stukn goan loopn. Wie bint langs de Bekke (o.w.b.a. de Regge) noar Riessen èleupn en vandoar langs de weg noar hoes. Un mooie route en oonderweg kwamn wieleu nog un hopstruuke teangn (handig a’j beer wilt brouwn), paddesteule (handig a’j un keer soep wilt maakn) en holunder (is duuts), ofwel vleerbeazen (handig a’j jeneawer wilt maakn).
Al met al un gezoondn middag met inspiratie vuur allerlei “gezoonde” recepten.
