Op de televisie was ofgeloopn vuurjoar un post-apocalyptisch drama (dat veen ik wàl un heel meuilijk woord) “The last of us” te zeen oawer schimmels die laankzamerhand de hele wereld oawernemt. Ik deanke dat dizze schimmels nò un Waterhook ok hebt bereikt want a’k zee hoe de padnsteule bie oons greuit en greuit, zol dit ok wà eens un drama bie oons könn wördn. Het bint neer mear van die kleine schattige padnsteulkes mear grote roonde boln die plotseling oaweràl omhoge komt en grote oranje kladn die alles oawerwoekert. Hoe zol dit bie oons ofloopn? Kó’w hier ok un spannende televisie-serie “Un lessen van oons” maakn? Wie zölt mear ofwachen. Oondertusken goa’k al vaste wat etn (champignonsoep) en wc-papier hamstern…
