Toe’k nog studeern (vrooger, ie weet wàl) was un bekeand grapje um neet of te wasken en te dreung noa het ettn, da’j de succulenten nog water monn geewn. Kiek, en doar mo’k vandage an deankn toe’k langs un bloemist leupe en dit kaartje zagge. Eawn terugge mijmeren noar vrogger. Wat zol der van iedereen wean èwönn? Wat zoln ze doon? En könt ze de succulenten nog wàl water geewn?
De succulenten an sich hebt gen probleemn want die beent zo stark as ik weet neet wat. Dat löt het kaartje wàl zeen…
