14 januari 2020 – Depressieven deenkseldag

In de Amerikaanse en nò ok Nederlaandse cultuur hèw nò de term “Blue Monday”. Dat is un moandag in januari woer alles gries en grauw lik: het weer (reangn en mis), oe geveul (neerslachtig, meu, neet vuuroet te braandn), de vuuroetzichen vuur het kommende joar (nog gen vakaansie, gen vuuroetzich op promotie mear earder demotie), de omgeving (de buurvrouwe wordt er ok neet knapper ok, de stroate um het hoes begeent te verzakn, un auto start slechter en slechter), de financiele vuuroetzichen (àlwier un belastingbreef met un aanmaning, de reante wordt negatief, het zakgeeld wa van de vrouwe kriengt is ok wier meender, de patat is wier deurder) en goat zo mear duur.
Ik stelle vuur um bie oons de term “Depressieven deenkseldag” te gebroekn, en den vandage in te loatn goan. Woerumme? Het is vandage onmeunig prutweer, het reangnt en weait alleanig mear en ie stoat nog mear an het begin van de waarkwekke. Het weekend bi’j àl wier vergettn noa den blue monday van gistern, dus doar he’j ok gen mooie herinneringn an. Wat vuur lechpuntjes he nò nog vandage? En doarnöast bekt het ok nog lekker. Wat wi’j nog mear?

img_20200114_072851863

 

Geef een reactie

Je e-mailadres wordt niet gepubliceerd. Vereiste velden zijn gemarkeerd met *