Bie oons hef un antal bloomn un weenter neet oawerleawd. Dat geeldt vuurnamelijk vuur de prachtkearse (Gaura lindheimeri) den, zoas zien naam àl zeg, prachtig kan bleuin met mooie witte bleumkes. Umda’k gen zin harre um hiervuur ni’je plaantn te koopn (kost geeld 🙂 ), he’k vandage stekjes énömn van de oawergebleawn prachtkearsen. Met un betje stekpoeier deran he’k ze in de natte potgroond èdrukt en met völle geluk he’k der dan an’n eane van’n zommer 24 prachtkearsen bie! Met iets meender geluk goat ze mie allemoal dood, net zoas de stekjes van de salvia’s van ofgeloopn joar. Voorlopig goa’k oet van’t earste. Ie munt het toch un betje positief hooldn met zonnen naam…
