A’j zo op de A-1 van het westen noar het oosten jaangt kriej bie Deawnter het geveul da’j wier thoes komt. Misskien koomp duurda’j un grote rivier oawerstekt den de greanze vormt tusken Geelderlaand en Oaweriessel, of misskien koomp het ok wà duur den knik milln in de brugge den’t al die joarn à inzit. Den veul ie gewoon a’j der oawer hen jaangt en is un soort signaal da’j wier op de oole groond bint. Alle stress glid van oe of, de systeemn reset zich en ie jaangt heel ontspann veerder het oosten in.
