Wat he’k et wier ètröffen! Ik kanne zo mear met met dizzen prachtigen beskilderden trein met. Normaal mu’j vuur völle geeld naor un museum un zoiets te zeen, mear ik kanne der vandage der gratis van geneetn. Eén of aandern onbenul hef namelijk èmeant dat un train wat kluur neurig har, en hef darumme zienen “keunszinnige” gaven oeteleawt op’n trein. Zelfs de roetn in het oonderste geeelte bint nog oawerekalkt.
Tja, ik zolle zengn doot dat op oe eengste spul (auto, fietse, hoes, kamer, vrouwe) in plaats van op’n trein. Den is neet van oe en ik hoowe oene “tags” neet te zeen op’n trein. Mie kameroad den ok in’n train zat, har het nog neet mettekreengn umdatte an de aandere kaante was innestapt. He dach gewoon dat het nog knap duuster boetn was…
Elken dag nè foto