In Eanter hebt ze eens in de veer joar un groot dorpsfeest ‘De Eanterse dage” woer het hele dorp an met döt, en woerbie de hele boele versierd wordt. Elke buurte hef zien eengste versiering emaakt dat gebaseerd is op een centraal thema. Dit joar is dat thema “Enter doet een boekje open” (trouwens jammer dat ze dit neet in het plat doot want “Eanter döt un beukn lös” zol völle möoier wean). Met dit thema köj alle kaantn op, want wat steet er nò neet in beuke beschreawn? En möj dit letterlijk of figuurlijk opvatn? Zo zaggen wie vanaongd bie het roondfietsen buurtn versierd as un Beiers dorpje (Oktoberfest), Woodstock, Reggae, Schlagerfestival en Snoepland. Ik konne neet good opmaakn wat dizze onderwaarpn nò met het centrale thema te maakn hadn, mear dat zal wà an mie lingn. Ik bin der te nuchter vuur. Meestal wordt oonder het genot van un fleske beer (of mear) en un borreltje bedach hoe de boele versierd mut wörn en dan bi’j smangs heel gauw het centrale thema à vergetn… Mear de boele was vanaongd mooi versierd. Nò hebt ze nog veer dage groot feest, zundag natuurlijk un zeern kop, en doarnoa könt ze de boele opruumn en munt ze wier veer joar wochen.
Ps. Volgens mie könt ze oawer veer joar de versiering van dit joar gewoon wier opni’js gebroekn want het is gewoon toepasbaar op elk thema…
