Het begeent eentonig te wörn, mear ok vandage he’w wier un fiksen tippel emaakt. In totaal he’w vandage viefteen kilometer eeleupn. Dizze keer gung het noar de Nilljochhutte den op 1990 meter heugte lig. Het was fleenk klimn oawer un smal pad duur’n bos en het veeld hen, oondertusken good oetkieknd da’j neet in de strontheupe van de beeste trapt, die hier in de vri’je natuur roondloopt. Toe’w bie de hutte ankwömn, ha’k de knolln ok wà op. Mear un köpke koffie met topfenstrudel döt woondern. Ik fluitn noa de tied wier noar daaltn hen…Ik heb helaas gennen foto van un topfenstrudel emaakt, want hee was à op vuurda’k ter aarg in harre, mear onder dizzen link zee’j genog vuurbeeldn.
