Ik heb vandage het eerste beumke bie oons in’n tuin èplaant. Dit in het kader van de festiviteiten die van wekke plaatsveendt vanwege boomfeestdag (17 meart). Vrogger neumn ze dat nog boomplantdag, mear rechtervoort is het plaantn van un boom un feest. En in dizze sombere coronatiedn köj wàl un keer un feestje gebroekn. Het was dus vandage bie oons groot feest met het plaantn van dit kreentnbeumke. En het meuiste is, doar steet er ok nog ene in de schure, den za’k morn potn. Dan he’w àlwier feest! Het leawn is hier één groot feest…
A’j elken dag un berich van mie wilt leazen mu’j oe abonneern. An de rechterkaante köj zee hoej dat munt doon. En het abonnement kost oe nog gennen rooin ceant…