15 november 2021 – Wekke van de stress

Dat wie mie schrikn vanmorn! De vrouwe en ik goat namelijk elken morn un klein stukn loopn um de stiewe bötte (dat kriej a’j boang de vieftig komt) lösser te kriengn. Wie doot dat met de hulp van un app van de Harsenstichting. Toe’w dizzen app lös dean um te beginn met loopn, was de eerste boskop den ik leazen dat het dizze wekke de wekke van de stress was en dat loopn just good vuur oe is. Dat is rustgevend en good vuur de harsens en’n blooddruk. Bie mie gebuurn juus noa het leazen het teangnoawergestelde. Ik scheute in de stress! Ik ging direct noa wat er bie mie op het programma stön vuur dizze wekke. De vrouwe dear hetzelfde. Doar was bes wà völle wat of mos. En dan ok nog heanig un stukn loopn in de wekke van de stress? Ik wörn der juust jachterig van! Wie hebt nog nooit zo snel ‘s morns un rondje èleupn um doarnoa direct an het waark te goan, want het mut of dizze wekke. Nee, loopn helpt heel good teangn stress…

Geef een reactie

Het e-mailadres wordt niet gepubliceerd. Vereiste velden zijn gemarkeerd met *