16 augustus 2024 – Noageslachte

En zo bi’w wier un moand veerder! Un lessen blog van mie was van 16 juli (terugge van vakaansie) en doarnoa wörn het stille… Doar is genog gebuurt en èdoan, mear het is ter neet van èkömn um dit te publiceern. Dat koomp nog wà (misskien…).
Vandage kwam ik bie het pauzeloopn langs un Dom en zag doar dit standbeeld van Jan van Nassau. Ik ken’n den kearl gealt neet, dus toe’k wier op kantoor wasse he’k mien’n grötsten vriend (Google dus) der is op noaesloan. Het blik dat Jan van Nassau de jöngere breur was van Willem van Oranje. He is in 1577 nog un tiedje stadhoolder èwes van Gelre en hef ok un belangrieke rolle spöld bie het oprichen van de Unie van Utrecht, un samenwerkingsverbaand tusken de noordelijke gewesten, as vuurloper op de Republiek der Zeven Verenigde Nederlanden. Vandoar dat hier zien standbeeld steet, tenminste dat deank ik.
Wat mie ok opväl oawer hem is datte biezeunder productief was in het creëern van noageslachte. He is in totaal dree keer etrouwd èwes woer 20 wichter oet bint geboorn. Oonzen huidigen könnig stamt hier vanof (via un Freesken tak). Dus eigenlijk is neet Willem de Zwijger mear zien breur Jan van Nassau de Vader des Vaderlands…

Geef een reactie

Het e-mailadres wordt niet gepubliceerd. Vereiste velden zijn gemarkeerd met *