Ik heb un ni’j woord emaakt: grösgötte. Het lik wà op un Zweedse krachtterm de’j oetstoot a’j oe bievuurbeeld met’n hamer op’n doem houwt of a’j gewaar wordt dat ze vuur de daarde keer wier un laampe van de opritverlichting um hebt èjag. Mear (nò koomp het), het is gewoon un dakgötte woer grös in greuit. Niks appats dus, het is wà un teakn dat den un keer murre schoonmaakn. Gelukkig is het nog neet zo slim as in 2014 (28 augustus) toen der zelfs beumkes in de dakgötte greuin. Mear, wat nog neet is, kan nog komn…
