Vandage he’w un Klein’n Ballon ofwàl le Petit Ballon beklömmn. Dat is un bekeandn baarg in de de Vogezen, 1272 meter hoge, en un breurkn van’n Grootn Ballon (le Grand Ballon), den 1424 meter hoge is. In’n Earsen Wereldoorlog is hier nog flink èvöchen duur de Duutsers en de Fraansken. De Duutsers harn dit in eur bezit seends 1870 en woln dat neet zomear wier opgeawn. Ie könt nog de oole bunkers en un oole kabelbane zeen lingn den wön gebroekt vuur vervoer van materiaal en troepn. Op’n top van’n baarg steet un groot Mariabeeld.
Het is un landelijk gebied met verschillende herbergen (vuurń döstigen wandelaar) en doar is ok natuurlijk het neurige natuurschoon te anschouwn umdat het un Natura 2000 gebied is. Ik heb hier niks èheurd oawer stiktof en piekbelasters, want dat steet bie oons synoniem met Natura 2000. Misskien dat de Fraansken der minder un probleem van hebt èmaakt?
