De wiskundelessen van de middelbareschole kwamn vanmiddag wier good te passe bie het waark in’n tuin. Wie bint bezig um wat bloomnperkn an te lengn en die munt natuurlijk wà op de goeie plaatse komn te lingn, aans wordt het zonne scheve boele. Nò mo’k un rechen hook maakn zoonder dat un weenkelhaakn harre, en doarbie kwam de stelling van Pythagoras (A² = B² + C²) good te passe. Ie kriengt un rechten hook (un hook bie het metleent) as de twee anliggende ziedn 3 en 4 meter en de schune ziede 5 meter is. Noa völle gepas en gemet bleek dat dit ok nog aardig klopn. Ik konne vearder met het oetzettn en oonzen tuin is nò gebaseerd op de wiskundige principes van Pythagoras. Oawer un paar wekke könt er de bloomn in. Ik binne beni’jd volgens welk wiskundig principe die wordt èpot. Het ‘at random’ principe ofwà het principe van pot mear raak?
