Op un foto van un piano hieroonder zee’j un brödje met’n tekst “zing, vecht, huil, bid, werk, lach en bewonder”. Ik heb het noaèzoch en het is un titel van un liedje oet 1971 van Ramses Shaffy. Het is één van ziene bekeandste nummers en volgens mie köj der heel good un heanige preake oawer hooln. Want woer geet het feitelijks oawer in het leawn? Da’j toch heel good op mekaa past, neet alleanig bliewt en da’j plezeer in het leawn kriengt (bie alle ongemakn di’j teangnkomt). Doarbie past dan wàl wier heel good zien aandere bekende nummer “Sammy, kiek omhoge”. Ofwàl, ie könt hier zo wier un tweede preake oawer hooln! En misskien hef Ramses Shaffy wàl mear preakachtige liedjes? Toch dit idee mear un keer dropn bie de kaarke. Ie weat mear nooit (we zullen doorgaan…).
