Het was vanoangd höasen want ik mosse nog un stukke van het hooltwaark boetn schoern en schilderen. Morn komt ze un airco installeern umdat het met het klimaat kets oet de haand löp (dat leaze ik aaltied in de kraante, mear bie oons geeldt dat vuur het binnklimaat). Boetn op het terras, vuur het hooltwaark, koomp un unit van de airco te stoan en ik wolle gearne het hooltwaark hemn eschilderd, zoda’k straks neet hoowe te knooin at den unit der steet. Dus ’s ik binne ’s aongns noa het waark nog eawn drok an het schildern èwes. Gelukkig was het weer dizze keer supergood. Heel wat aans as die rampspoed den ze vuur morn vuurspelt.
