17 oktober 2021 – Meriansborstel

Dizze kluurige rupse kwam wieleu vandage teang, Hee völ good op duur ziene greune kluur, rooin piel en witte kwäste. Ië zeet em neet makkelijk oawer het heuwd.
A’k het opzeuke op ’t internet blik het de meriansborstel te wean, de rupse van nachtvlinder die algemeen in Nederlaand vuurkoomp. Het mooie is dat de rupse aarg opvallend is, mear dat het imago (un vlinder) gries en onopvallend is. Woerumme dat de rupse zo felgekleurd is weet ik neet. De wetnschop vermoedt dat dit is um aandere rupsenetters (vogels) of te schrikkn. Un rupse is namelijk un zeer smakelijk, eiwitrijk hapje. Zie et heel völle in korte tied en bint één van de snelstgreuiende organismen in het dierenrijk. Één van de extreemste soortn wordt tiendoezend keer zwoarder in in meender as twintig dage. A’j dit noar leu ummereknt, dan zol un net geboorn klein’n van 8 poond noar dree wekke dus ongeveer 40 ton weangn. Ik kanne mie doar genne vuurstelling van maakn, mear bie rupsen gebeurt het gewoon. Gen wonder dat rupsen met dizze greuiciefers in korte tied alles kaal könt vretn!

17 oktober 2021 a

17 oktober 2021 b

Geef een reactie

Je e-mailadres wordt niet gepubliceerd. Vereiste velden zijn gemarkeerd met *