A’j bie oons oet het raam kiekt zee’j vief eeknbeume op de riege. Vuural in het vuurjoar köj de verschiln tussen dizze eeknbeume good zeen. Un tween boom hef bievuurbeeld àl völle mear doonkergreun blad as alle aandern. Ok un vorm is aans. Iemand zea dat dit kwam duurdat het zommer- en weentereekn bint. Un tween boom is un weentereeke want die hebt doonkergreuner blad. De aandern bint dan zommereekn.
Ik binne dan wàl beni’jd of er ok haarfsteekn bint. Un veern boom zöt er völle armetieriger oet as alle aandern. Zol dat komn duurdatte in’n haarfst van zien eeknboomleawn zit?
