18 januari 2021 – Gemakkelijken pompoenchili

Vandage atn wie gemakkelijken pompoenchili (pompoen oit aigen toin) en dat recept wo’k oe natuurlijk neet onthooln. Het recept (en nog völle meer aandere succesreceptn) köj teruggeveendn op Kokn met’n Kroaks (www.kroaksrecepten.nl).

Het recept is vuur veer leu, dus aj met meer of meender leu bint, muj zelf eawn de hoeveelheden anpassen.

Wat mut erin:
  • 1 rooin pepper
  • 2 etleppels zunnebloomnöllie
  • 2 etleppels apatte kruudn: Euroma Original spices Jonny Boer Al-Andalus
  • 300 gram beestegehakt
  • 800 gram pompoen (in stuks, gennen heeln )
  • 400 gram tomaatnblöks
  • 800 g zwatte (ma’j dat nog wàl zengn) boonn
  • 15 gram vaske peterselie
  • Betje dikke yoghurt
Hoe maak ie het terechte:

Ie snied het stölke van’n rooin pepper. Doarna snie’j em in de leangte duurmiln en haalt er de zoadliesten oet. Vervolgens sniej em helemoal kapot in kleine stuks (flisterkes). Zet un panne met un dikke oonderkaante op het fornuus en doot hier zunnebloomnöllie in. Fornuus anstekn en doarnoa fruit (dat is gezoond) ie de pepperstuks met de apatte kruudn ene minute op leeg veur.

Doot er het beestegehakt bie in wa’j dan ene minute op middelhoog veur anbroad. Doarnoa doo’j der de stuks pompoen en de tomaatnblöks in en die reur ie dan eawn fleenk duur mekaa. Dit brenge ie an de kok en loai zo’n betje in twintig minuutn gaar wörn (met het deksel op de panne). Wàl eawn reurn natuurlijk.

De zwatte boonn speul ie oonder de koole kraane of (in un vergeet). Dizze kieper ie de leste vief minuutn in het pompoenmengsel. Betje pepper en zoolt (neet vergetn) der bie doon vuur’n smaak. Het mut neet te flauw wean. Oonderwiel snier ie de peterselie mooi fien.

At het spul gaar is, köj het oawer de teelders verdeeln. Doat er doarnoa un fleenkn kladn yoghurt bie en en bestreuit het geheel met de peterselie um zo un mooie kluurrieke compositie te kriengn.

Smakelijk etn!

18 januari 2021

Eén antwoord op “18 januari 2021 – Gemakkelijken pompoenchili”

  1. ‘n volgenden dag maakten Henk dat-e zo rap meugelijk in ‘t huuske köm want
    zinne mage……

Geef een reactie

Het e-mailadres wordt niet gepubliceerd. Vereiste velden zijn gemarkeerd met *