Welkom bie de grötste en geveurlijkste watervalln van’n Waterhook! Met donderend geweeld stort zich hier het water van’n Eantergraawn noar beneen. A’j der te dichte biekomt mu’j oetkiekn da’j neet wordt mettesluurd het water in. Ie könt ze vergeliekn met de Niagara watervalln in Amerika en de Victoria watervalln in Afrika. Weliswoar bint de watervalln in Afrika en Amerika grötter, mear de biebeheurende riviern (de Zambesi in Afrika en de Niagararivier) bint ok wier völle breder. Verhooldingsgewies bint ze dus eawn groot (misskien nog wà kleiner) as de watervalln in Eantergreawn. En doar bi’w natuurlijk heel greuts op…
