18 september 2021 – Knooiewaark

Het begrip “‘Knooiewaark” köj twee definities tookenn.
As eerste kan het iets wean dat van onmeunig slechte kwaliteit is. Het is prutzooi, ofwà het is knooiewaark. Het is verknooid.
Het kan ok beteakn dat het un activiteit is den völle meuite en andach vrög. Het kost knooin um het good en of te kriengn. 
Met dat leste har ik vandage te maakn. Ik mosse vuur de ansloeting van de verliching lang un oprit oawerà un waterdichte kabeldeuze installeern (in de groond). Ech, un groot knooiewaark! Mear at het straks of is en de verlichting an en oet vlög as un soort startbane van Schiphol as ter auto’s ankomt, bi’k alle meuite wier vergetn. Met un ‘betje’ völle  fantasie zee’k dan zelf nog iets in van de landingsbane van Close Encounters.
En nò mear hopn dat het waark van vandage alleanig oonder de tweede definitie vaalt…

 18 september 2021

Eén antwoord op “18 september 2021 – Knooiewaark”

Geef een reactie

Het e-mailadres wordt niet gepubliceerd. Vereiste velden zijn gemarkeerd met *