Joa, joa, het kon vandage wier. Het was vandage un köldsten 18 september ooit èmetn (de iestied oetgezonderd) dus dat was un goeie reden om un hooltkachel an te doon. Nou, braandn dat konne wà! Ik hà der un lading baarknhoolt èdoon, wat good dreuge was. En dan geet het sprekwoord inderdaad op: wat hard braandt is ok snel wier oet! Um un kachel un betje braandnt te hooln wa’k zeker wà anderhalve moande hoolt neurig. At dat zo duurgeet, he’w straks in januari hier àl un hoolttekort. Zo’w dan ok bie de overheid könn ankloppn vuur extra subsidie um extra hoolt te koopn?
