Ie deankt dat het noa Blue Monday neet slechter kan, en da’j de goeie kaante wier opgoat. Nou dan he’j dat good mis. Vandage, un dag noa Blue Monday was het Depressieven Deenkseldag, un dag woer alles er nog deprimerender oetzöt dan gistern. Het bleef un heeln dag gries, weenderig en reangnachtig. Doar was vandage gen eankel lechpeuntje te bekenn, niks wol good lukn, de toeslagenaffaire was op de televisie (woj ok neet blie van), de lockdown in Duutslaand wordt verlengd, dus Nederlaand zal doat ok wàl goan doon, en un hamburger bie het ettn was volgens de vrouwe ok àl te tao.
Vanof nò kan het alleanig mear better worn. En dat is dan toch wier een lechpeuntje op dizzen Depressieven Deenkseldag…
