Oonze vakaansie in Prägraten zit erop en wie bint vandage oonderweg egoan noar de volgende vakantiestea in Duutslaand: Bobenheim-Roxheim in de buurte van Mannheim. Wie wilt doar un paar dage bliewn um Worms, Spiers en Heidelberg te bekiekn. Dat bint un paar oole pleatskes met mooie gebouwn.
Vanwege de zwoare reangnbuuin was oonze korte route via Kitzbühel helaas neet meugelijk en mo’w via un Staller Sattel op 2052 meter heugte via Italie ummejaangn. Oawer un Brennerpas bi’w Oostenriek wier binnekömn. Via un Fernpas bi’w doarnoa noar Duutslaand ejag, Toevallig kwamn wieleu in Tirol ok nog langs Tarenz (bie Imst). Dat was de plaatse woe’w in 1973 (bie Frau Schatz) vuur de allereerste keer op vakaansie bint èwes. De herinneringen an toe (Ei, ei, warum vorbei) kwamn zo wier boangdriewn…
Völle later dan gepland kwamn wiele duur de omleiding an in Bobenheim. Wà wier un landervaring rieker, mear ok völle zweet rieker umdat un airco in’n auto het har oppegeewn….
