Wie hebt vandage vuur de earste keer vleerbeazensiroop emaakt. Un vleerbos bleuit volop, dus woerumme dit neet un keer probeern? Het recept is knap simpel. Un paar bleuisels un nach in water loatn trekn, doarna dit mengsel duur de zi’je drukn zoda’j het voch oawerhoolt, un betje citroen en un onmeunigen plear suker der duurhen knooin, eawn op het vuur good loatn duurkokn, en kloar is kees, de siroop is trechte. Vuur de alcoholisten oonder oons: un siroop köj ok nog mengn met wodka, jeneawer of gin. Dan kriej un vleerbeezenlikeur, ok aarg gezoond! Het recept van de siroop köj veendn op “Kokn met’n Kroaks”.
In Oostenriek en Duutslaand neumt ze dit trouwens “Holunder”, dat veen ik un völle möeier woord as “vleerbeazen”, dat lik zo plat…
