Wie mon’n vanaongd, op koopaongd, eawn noar Riessen hen um wat kleere te koopn. De hele weenkelstroate was àl in een prè-kas stemming, zoa’j könt zeen. De grote roonde lechbolln hungn oawer de stroate en boetn bie un bloemist stönn àl heel völle grote rode amaryllissen te wachen op de kasstukjes.
Mear ondaanks dizze versieringen leupn der heel weinig leu oawer de stroate. Het lik of het succes van un koopaongd tanende is. De leu wilt neet mear in’n duuster en duur de keulte oawer de stroate. Het is binn bie de centrale verwarming völle behaaglijker. En koopaongd um wat te koopn? Och, ie hebt ok nog aaltied de digitale weenkelstroate. Doar is is het elken aongnd koopaongd zoonder da’j rekkening hooft te hooln met de sluutingstiedn…
