Het was vanmiddag wier raak: duur un beschadigde spoorbrugge jaangn der meender treinen tusken Deawnter en Wierdn. Dat wörn ik gewaa via het grote TBXL-scherm op het station van Utrecht. Dat is un knoeperd van un scherm den miln in de stationshal haank zodat iederene der op kan kiekn. Den geln balkn woer de verstoringsinformatie insteet, löt trouwens un stukn zeen van mie waark. Ik waarke bie de NS bie de ofdeling Reisinformatie woe’w oons drok maakt oawer de automatisering van de reisinformatie. A’t er un trein oetvaalt dan mut dit direct wörn verwaarkt op de brödn, de planner en un’n omroop zodat un reiziger der rekkening met kan hooln (dan kanne bievuurbeeld bietieds noar hoes belln um te zengn dat de eapeln nog neet op het vuur hoowt…). De software den dit allemoal op het bröd zet, is duur oons ontwikkeld. Vrooger ha’j van die klapperbrödn met vaste teksten, mear rechtervoort is alles digitaal en könt wijzigingen en verstoringen direct wörn etoond op de lcd-brödn. Dus ondaanks die beschadigde spoorbrugge, toch un mooi vuurbeeld van mie waark…
