Dizze zwamme vaalt ech wàl op tusken de broene eeknblààn. Ik heb het noaezoch en het is de gelle trilzwamme, de’j vuural in het nojaar en het begin van’n weenter könt teengnkomn. De zwamme veult un betje geleiachtig an (net zoas die geleipudding), vandoar zien naam.
Het apatte van dizze zwamme is, is datte un parasiet is (un oetzoeger…). He leawt van de zwamvlokkn van un aandere zwamme, het eeknschorszwammetje dat wier op dood hoolt leawt. Het aarme eeknschorszwammetje wordt hierbie hoaste helemoal lèugetrökkn en koomp aamper tot bleuin too.
Wat is de natuur wier wreed en oetbeundig…
