Vandage doo’k eawn truggekiekn noar gistern. Neet dat er vandage niks is gebuurd, mear ik wolle ok gearne het hoogtepeunt van gistern loatn zeen. Doonderdagaongd hef het hier namelijk good tekeer egoan. In un korte tied völ er völle reangn wat saamn gung met völle weend. Zovölle dat un mais van de buurn vuur un groot gedeelte plat weain en dat er bie oons un groot stukke van’n ooln weelg oet’n boom weain. Met het opruumn van dizzze stormscha bint de de vrouwe en ikke un heeln middag drok èwes. Het was meer waark dan da’w dachen. Het was un race teangn de klokke want un vuilnisbelt, woe’j ok greunofval hen könt brengn, gung um veer uur dichte. Het kon net, noar un ‘snelle’ rit met auto en anhanger duur het Leijerweerd (zoonder bandenwissel) kwam wie der un twee minuutn vuur veere an. Net op tied! Max Verstappen kan nog wà iets van oons learn vuur wat betreft het racen op zaandweangn…
