Vandage wa’w met het fietsen knap un eane oet de richting, want wie kwamn in Turkeye oet! Ik zea nog zo teang de vrouwe “wie goat neet good”, mear den bleaf gewoon fleenk duurtrappn… Tot an Turkeye. Gelukkig hebt ze doar ok de knooppunten vuur het fietsen, dus noa enig gepuzzel kwamn wie wier good oet.
Wie bint ok nog oawer de rammelende kasseien efietst. Alleanig doarumme zo’k à gen wielrenner wiln wörn! Het hele zaakje zol op zo’n smal wielrennerszadel knap kwestig wörn. Dat is mie zonne snelle fietse neet weerd, dan mear un gewone fietse met un lekker breed en zach zadel .
Vuur de rest, heel völle mooie natuur ezeen, Zeeuwse landschappen van rechte weangn met un lange riege van pöppeln, oole bunkers oet’n oorlog, un veurtoorn van Breskens an de Westerschelde en ok neet onbelangriek un lekker taartje bie de koffie in Groede…






