Joa, joa, het is wier de tied der vuur: kasbeume! Doar wordt neet mear èwacht op adveant (dit joar op 3 december) mear zo gauw het un betje duuster en nat wordt in’t noajoar munt de verlechte beume in’n tuin wier an. Dizze exemplaarn zaggen wie bie de Intratuin. Doar wat het vanaongd trouwens gloepens drok met leu die kasspulln kochen. Zo te zeen verschof un doatum woe’j het hoes in kasstemming brengt steeds vearder noar vuurtn. Het is nò begin november mear oawer un paar joar is het zovear da’j noa het opruumn van de poaseier, poastakn en poashaazen àl direct könt begin’n met de kasspuln. Misskien köj zelfs alles wàl noa Poasken loatn stoan en stek ie der un paar leampkes zoda’j àl teregte bint vuur de kasdage. Mear dat veendt de Intratuin neet zo leuk…
